મારી વ્હાલસોયી જનની

કાળજા કેરા કટકાની રાખે પૂરી કાળજી

શીરે સુંવાળો હાથ ફેરવતા હૈયું કરે આજીજી.

"બેટા" કહી માઁ બોલાવે, સુણી થાક ઉતરે તનથી,

અશક્યને શક્ય કરી શકાય તેવી શીખ આપે ખંતથી.

સમગ્ર સુવિચાર સંગાથે રાખી સમય સંજોગ સાચવતી,

સંઘર્ષોના સામના કરી સ્વપ્ન સાકાર કરવા સરવરતી.

નિરંતર ક્ષણનું નિરીક્ષણ કરી કેટલાંય કામ કરી ઝગમગતી,

સિદ્ધિ પ્રસિદ્ધિ મેળવવા ખાતર સદાય સાથ આપતી.

નિત્ય નિયમ, સેવા સ્મરણ, ગ્રંથ વાંચન કરવા સૂચવતી,

પુષ્ટ રાખવા પૌષ્ટિક ખોરાક પોતે બનાવી પીરસતી.

પુરવાર થાય શોભામાં તેની સદૈવ પહેરતી સાડી

કંકુકેરો ચાંદલો, લાંબો ચોટલો, લાગે સૌથી ન્યારી,

મારી વ્હાલસોયી જનની ❤️

- ફોરમ શાહ